Jinah

https://blogger.googleusercontent.com/img/b/R29vZ2xl/AVvXsEhx554-PPgu5wnmjd1OFXPNv-hBLQigA4CO9OodjyZDQcalA6Fq3HDac_Apo2Qch_W0NuTIWLUDRgDfEl1EMPXwm4zJSr5YO0Vt6-4rHDNTi0LcUToitAQjsFYqeF6T1Atq18BRielOF87x/s1600/
Gambar Jinah
Siraké nénten oneng ring jinah?
Muncuk panah sané sida nyunggi manah,
nglintangin galah lan genah.

Sangkan jinah metu pongah,
sangkan jinah sami tunggah,
sangkan jinah tegak melah,
sangkan jinah nigtig tangkah,
sangkan jinah bégak tingkah,
sangkan jinah matoh jengah,
sangkan jinah élah nampah.
Ring jinah cangkah cumangkah,
jinah ngranayang punyah,
jinah ngranayang puncah,
jinah ngranayang punah,
jinah ngranayang lumah,
jinah ngranayang kalah,
jinah ngranayang belah,
jinah ngranayang pejah.
Napi malih jinah antuk nyarah,
lan nyajah dué tengah.
Jinah nangsek ka langit linggah,
jinah nongsok ka pangkung lebah.

Nah...,
Sampunang ampah,
lali ring Sang Hyang Titah,
laguté bégah ngelah jinah.

NB: Puisi kakawian I Madé Suarsa sané mamurda “Jinah” puniki naanin kawedar ring rubrik Bali Orti (Bali Post) Redité Pon, 19 Januari 2014

No comments